‘L moscol

I veder ‘npanac dala galina che boi
Le lampadine le bat i so colur ‘ndel paisi fat de ges e de cartù
Töc i ghe da n’öciada
Töc i ghe fa ‘n penser mia ugual
Töc i spera ‘n den pűti apena nasit
I spera i granc e i picinì
Le luci le bat e le rebat come i penser
L’moscol vert come la nosa val
L’fa da let al puti ‘n dele fase
Maria e Giösep i ga tènt come
La mama e ‘l buba i arda i fiöi setac so a taola
Part una gosa de vapur come na lacrima ‘n del cör
N’öciada la guares l’dulur
‘Na sperada de sul, la bat söl presepio
Suna la pastorela
L’è ‘l mesde ‘ntaola le pronta!
Profumo de galina còta
Profumo del söcher del panitù
Profumo del moscol
Nadal per töc
Granc, picini, sior e poerèc
Ugual per töc   

Nerino Mora

 

--------------------------

Ubaldo